• २१ माघ २०७९, शनिबार

नुवाकोटमा गठबन्धनको क्लिनस्विप

विदुर नुवाकोटमा सत्ता गठबन्धनले क्लिनस्विप गरेको छ। चार प्रदेशसभा तथा दुई प्रतिनिधिसभाको सबै सिटमा सत्तारुढ गठबन्धनका उम्मेदवारहरू विजयी भएका हुन्। 

सदरमुकाम विदुर समेटिएको नुवाकोटको प्रतिनिधिसभा २ मा सत्तारुढ गठबन्धनका उम्मेदवार कांग्रेसका अर्जुननरसिंह केसी विजयी भएका छन्। केसीले २८ हजार १ सय ७ मत प्राप्त गर्दै विजयी भएका हुन। केसीका निकटतम प्रतिद्वन्दी राष्ट्रिय स्वतन्त्र पार्टीका  सुमनबिक्रम पाण्डेले १६ हजार चारसय ७७ मत पाएका छन्। २०७४ को निर्वाचनमा केसीलाई १० हजार ५ य ५७ मतले पराजित गरेको नेकपा एमालेका उम्मेदवार नारायणप्रसाद खतिवडाले यस निर्वाचनमा केसीभन्दा झण्डै आधा कम १५ हजार ५ सय ६१  मत पाएका छन्।

राप्रपाका झनकबहादुर प्याकुरेलले १ हजार ५ सय ७१ मत पाएका छन्। केसीको राजनीतिक अवधिमा यो पाँचौ विजय हो। उनी २०३८ सालमा सूर्यबहादुर थापा सरकारको स्वास्थ्य राज्यमन्त्री भए। उनी २०३८, २०४८, २०५१, २०७० र २०७९ को निर्वाचनमा विजयी भए। प्रतिनिधिसभा सदस्यमा विजय भएपछि केसीले संविधान, गणतन्त्र तथा देशको रक्षाका लागि आफ्नो अभियान जारी रहने बताए। उनले जनताको मागमा आधारित कार्य गर्नेसमेत प्रतिवद्धता दोहो¥याए।

नुवाकोट २ को प्रदेशसभा ख मासमेत सत्ताारुढ दलकै उम्मेदवार कांग्रेसका बहादुरसिंह तामाङ विजयी भएका छन्। उता प्रदेशसभामा सत्ताारुढ दलका तर्फबाट कांग्रेसका उम्मेदवार लामाले १७ हजार २ सय ४९ मत ल्याएर विजयी भए। उनका निकटतम प्रतिद्वन्दी एमालेका विजयसिंह तामाङले ९ हजार १ सय २४ मत पाए। राप्रपाका रणप्रसाद न्यौपानेले २ हजार ६ सय ६५ मत पाए। 

नुवाकोट १ (क) मा समेत सत्ताारुढ गठबन्धनकै उम्मेदवार राधिका तामाङ दोस्रोपटक विजयी भएकी छन्। उता प्रदेशमा माओवादी केन्द्रकी तामाङ १६ हजार १ सय ६९ मतका साथ विजय प्राप्त गरेकी हुन्। उनका निकटतम प्रतिद्वन्दी एमालेका सुशीलकुमार खड्काले ११ हजार ३ सय ५७ मत पाएका छन्। राप्रपाका रामु पण्डितले १ हजार ५ सय ९ मत पाएका छन्।





प्रतिक्रिया दिनुहोस्