रसुवा—बाढीका कारण प्रभावित बनेको रसुवास्थित माथिल्लो त्रिशूली–३ ‘बी’ जलविद्युत् आयोजनाको सुरुङभित्र फसेका श्रमिकको उद्धारका लागि नेपाल सरकारले उद्धार प्रयासलाई थप तीव्र बनाएको छ।
अत्यन्त जोखिमपूर्ण र प्राविधिक रूपमा जटिल मानिएको सुरुङ उद्धारमा अब उच्च दक्ष चिनियाँ प्राविधिक विज्ञ टोलीसमेत मैदानमा खटिएको छ। नेपाल सरकारको अनुमतिपछि ६ सदस्यीय चिनियाँ विज्ञ टोली हेलिकप्टरमार्फत त्रिशूली क्षेत्रमा पुगेको हो।
चिनियाँ विज्ञ टोलीले नेपाली सेनाको प्राविधिक तथा विज्ञ टोलीसँग संयुक्त रूपमा सुरुङको अवस्था अध्ययन गरी उद्धारको सम्भावित बाटो पहिचान गर्नेछ। सुरुङभित्रको पानी, संरचनाको अवस्था, पहुँचको सम्भावना र जोखिमको प्राविधिक मूल्याङ्कनपछि उद्धारको थप रणनीति तय गरिनेछ।
रेकीपछि थप विज्ञ बोलाइने
फसेका श्रमिकको उद्धारमा सबै शक्ति केन्द्रित
बाढीपछि सुरुङभित्र फसेका श्रमिकको अवस्थाप्रति गम्भीर चासो बढिरहेका बेला सरकार, नेपाली सेना र चिनियाँ प्राविधिक टोलीले सकुशल उद्धारलाई पहिलो प्राथमिकतामा राखेर संयुक्त प्रयास अघि बढाएका छन्।
सुरुङभित्रको अवस्था चुनौतीपूर्ण भए पनि फसेका श्रमिकलाई बाहिर निकाल्न सम्भव सबै प्राविधिक उपाय प्रयोग गर्ने तयारी गरिएको छ। उद्धार टोली अहिले सुरुङभित्रको वास्तविक अवस्थाको प्राविधिक मूल्याङ्कन गर्दै सुरक्षित प्रवेश र उद्धारको सम्भावित बाटो खोजिरहेको छ
