• १८ माघ २०७९, बुधबार

पछिल्लो २४ घन्टामा थप ५९४ जनामा कोरोना संक्रमित काठमाडौं उपत्यकामा मात्रै ११९ जनामा संक्रमण पुष्टि

पछिल्लो २४ घन्टामा थप ५९४ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । मन्त्रालयमा आज आयोजित नियमित पत्रकार सम्मेलनमा प्रवक्ता डा जागेश्वर गौतमले संक्रमितको संख्या २५ हजार ५५१ पुगेको जानकारी दिनुभएको हो । मन्त्रालयका अनुसार आज देशभरका प्रयोगशालामा अहिलेसम्मकै सबैभन्दा धेरै ११ हजार ५७५ नमुना परीक्षण गरिएको छ । त्यसक्रममा काठमाडौं उपत्यकाका ११९ जनामा संक्रमण पुष्टि भएको छ । उनीहरुमध्ये काठमाडौंका ८३, ललितपुरका ३० र भक्तपुरका ९ जना रहेका छन् ।
यसैगरी, पर्साका ७१ जना, मोरङ ५३, सुनसरी, महोत्तरी र बाराका २४÷२४ जना, तनहुँ र बाँकेका २२÷२२ जना, सुर्खेतका २१, मकवानपुरका १८ तथा सप्तरी, सर्लाही, चितवन र रुपन्देहीका १४÷१४ जनामा कोरोना संक्रमण पुष्टि भएको छ ।

सिन्धुलीका ११ जना, झापा र कैलालीका ९÷९ जना, सिराहा र अछामका ६÷६ जना, रौतहट, बर्दिया र कपिलवस्तुका ५÷५ जना, दैखेलका ३ तथा सिन्धुपाल्चोक, नवलपुर र कञ्चनपुरका २÷२ जनामा संक्रमण देखिएको छ । नुवाकोट, दोलखा, धादिङ, कास्की, लमजुङ, पर्वत, उदयपुर, स्याङ्जा, दाङ, सल्यान, बाजुरा, हुम्ला र बझाङका १÷१ जनामा पनि कोरोना संक्रमण पुष्टि भएको स्वास्थ्य मन्त्रालयले जनाएको छ । यसैगरी, पछिल्लो २४ घन्टामा कोरोना संक्रमणबाट मुक्त भइ घर फर्किनेको संख्या २४० जना रहेको छ । यो सँगै हालसम्म निको हुनेको संख्या १७ हजार ७७ पुगेको छ । मन्त्रालयका अनुसार आजसम्म पीसीआर विधिबाट ४ लाख ९४ हजार ६१३ परीक्षणहरु गरिएका छन् भने पछिल्लो २४ घन्टामा ११ हजार ५ सय ७५ पीसीआर परीक्षण भएका छन् । यस्तै, अहिलेसम्म क्वारेन्टाइनमा रहनेको संख्या १४ हजार ६ सय ३८ जना रहेका छन् भने आइसोलेसनमा रहनेको संख्या ७ हजार ९१३ जना रहेको मन्त्रालयले जनाएको छ ।





प्रतिक्रिया दिनुहोस्