भदौ, १६ पोखरा । पाेखरामा पार्किङमा राखेकाे बसबाट ब्याट्री चाेरी गरेकाे अभियाेगमा २ युवालाई प्रहरीले पक्राउ गरेकाे छ ।
गाडीमा प्रयोग हुने ठूलो ब्याट्री २ थानसहित पोखरा ९ पृथ्बीचोक वस्ने २१ वर्षीय मनोज गुरुङ र १८ वर्षीय बिकास गुरुङलाई वडा प्रहरी कार्यालय रामबजारले पक्राउ गरेकाे जनाएकाे छ ।
उनीहरुले पोखरा १० रंगशाला गेट अगाडि पार्किङ गरी राखेको ना ५ ख २१६९ नं को बसको २ थान ब्याट्री चाेरी गरेकाे प्रहरीले जनाएकाे छ ।
प्रहरी टोलीले पोखरा ९ पृथ्बीचोकबाट साेमबार साँझ साढे ७ बजेको समयमा २ थान ब्याट्रीसहित दुबैजनालाई पक्राउ गरी आवश्यक कारवाहीको लागि जिल्ला प्रहरी कार्यालय कास्की पठाइएको जनाएकाे छ।