नुवाकोट, ८ असोज । नेपाली कांग्रेसको १४ औं महाधिवेशनमा नुवाकोटको विदुर नगरपालिकाको नगरसभापतिमा बद्री रिमाल र हरिलाल श्रेष्ठको रस्कारस्की देखिएको छ ।
शुक्रबार बसेको नेपाली कांग्रेस विदुरको दुई समूहको बैठकले नगर सभापतिमा रिमाल र श्रेष्ठलाई प्रतिष्पर्धीको रुपमा उठाउने निर्णय गरेको हो ।
रिमाललाई नेपाली कांग्रेसका हस्तीहरु डा. रामशरण महत, डा. प्रकाशरण महत, वहादुरसिंह लामा लगायतको साथ छ भने श्रेष्ठलाई केसी समुहको साथ रहेको देखिन्छ ।
यसअघि विदुर नगरपालिकाको नगर सभापतिमा एकदर्जन भन्दा बढीले दाबी गरेपनि अन्तिम समयमा आएर रिमाल र श्रेष्ठले टिकट पाएका हुन् ।
नगरसभापतिको उम्मेदवार बनेका रिमाल विदुर नगरपालिका वडा नम्बर ३ का वडाध्यक्षका साथै नेपाली कांग्रेस वडा नम्बर ३ का ईकाइ सभापति समेत हुन् । श्रेष्ठ पनि कांग्रेसका पुराना नेता हुन् ।
