काठमाडौं : नेपाली कांग्रेसको खुला महिला केन्द्रीय सदस्यतर्फको मतगणना जारी रहँदा डा. डिला संग्रौलाले अग्रता कायम राखेकी छन्।
सुरुदेखि नै अग्रस्थानमा रहेकी संग्रौलाले २०६५ मतगणना सकिँदा १२६८ मतका साथ अग्रता कायम राखेकी हुन्। पुष्पा भुसाल ११९६ मतका साथ दोस्रो स्थानमा छन्।
सभापति शेरबहादुर देउवाकी पत्नी डा.आरजु राणा देउवा १११६ मतका साथ तेस्रो स्थानमा छन्। त्यस्तै अम्बिका बस्नेत ९९८ मतसहित चौथो स्थानमा तथा ईश्वरी न्यौपाने ९८५ मतसहित पाँचौ स्थानमा छन्।
यस्तै सरिता पसाई ९४९, रमा कोइराला पौडेल ८१३, शुशिला ढकाल आचार्य ७९४, रंगमति शाही, ७८० र अनिता देवकोटाले ७७४ मत प्राप्त गरेर ९ औं स्थानमा छन्। खुला ९ जनाको लागि ३० जना उम्मेदवार चुनावी मैदानमा छन्।
