काठमाडौं, २६ पुस । काठमाडौंको तारकेश्वर नगरपालिका वडा नम्बर ९ का वडाध्यक्ष बलराम सिटौला पछिल्लो समय विकास निर्माणामा निकै सक्रियतापूर्वक लागिपरेका छन् । वडालाई कसरी सम्मृद्ध बनाउने भन्दै वडाध्यक्ष बलराम सिटौला निकै खटिरहनु भएको छ ।
वडाध्यक्षमा निर्वाचित सिटौलाकाे सक्रियताकै कारण वडाको मुहारमा परिवर्तनको आभास देखिएको छ । वडाध्यक्ष बलराम सिटौलाले विकास निर्माणको कामलाई प्रथामिकतामा राखेर काम गरिरहेका छन् ।
तारकेश्वरको ९ नम्बर वडा विकासको हिसाबले अगाडि नै रहेको र भौतिक पूर्वाधारको निर्माण तथा आन्तरिक पर्यटन प्रबर्द्धन गरिरहेको छ । चालु आर्थिक वर्ष २०७८/०७९ पहिलो चौमासिक सकिँदा सम्म ८० प्रतिशत काम पुरा भएको र २० प्रतिशत काम चालु अवस्थामा रहेको छ।
वडाको महत्वपूर्ण योजनाको रूपमा पूर्वाधारहरुको विकास, वडावासीको आवश्यकतालाई बुझेर खानेपानी,ढल,बाटो लगाएतको कामलाई बढि फोकस गरिएको वडाध्यक्ष बलराम सिटौलाले बागमती प्रेसलाई बताए ।
‘यस मध्ये वडाले खेलकुद कार्यक्रम, पार्कको निर्माण, माइनमेरिकेसन जस्ता कुरालाई बढि फोकस गरेको छ’, वडाध्यक्ष सिटौलाले भने, ‘वडावासीसँगको निरन्तर अन्तर्क्रियाम विकासका काम भईरहेकोले जनताहरुलाई चित्त बुझ्दो काम वडाले गरेको छ ।’
पछिल्लो समय विश्वव्यापी रुपमा फैलिरहेको कोरोना भाईरसको नयाँ भेरियन्ट ओमिक्रोनको बारेमा बडाले जनचेतना मुलक कार्यक्रम गरिरहेको छ ।
आफ्नो वडामा बालबालिकाहरू र ६० वर्ष भन्दा माथिका सम्भावित प्रभावित समूहका मानिसहरुलाई लक्षित गरेर कोरोना विरुद्धको तेस्रो मात्रा खोप लगाउन बढि ध्यान दिइएको वडाध्यक्ष सिटौलाले बताए ।
