नुवाकोट, ३ वैशाख । स्थानीय तह निर्वाचनको मिति नजिकिँदै गर्दा गाउँदेखि केन्द्रसम्म माहोल तातिँदै गएको छ ।
स्थानीय तहको निर्वाचनको मिति नजिकिएसँगै गाउँ गाउँमा नेता कार्यकर्ताहरु चुनावी छलफल गर्न लागेका छन् ।
यस्तै विदुर नगरपालिका वडा नम्बर ६ को अध्यक्षमा नेकपा माओवादी केन्द्रबाट को उम्मेद्वार बन्ला भन्ने विषयले पनि निकै चर्चा पाइरहेको छ ।
आसन्न स्थानिय तहको निर्वाचनमा माओवादी केन्द्रबाट विदुर ६ को वडाध्यक्षमा युवा उद्यमी देवसिस ढकालले दावी गरिरहेका छन्।
ढकाल एक सफल युवा उद्यमीका साथै कुशल राजनीतिकर्मी समेत हुन् ।
विदुर ६ को अध्यक्षमा दावी सहित ढकालका प्रतिबद्धताहरु:-
-आर्थिक रुपमा विपन्न वर्गको पहिचान गरि शिक्षा, स्वास्थ र गाँस बासको आधारभुत आवस्यकतालाई यथोचित व्यवस्था मिलाउने ।
-कृषिमा अनुदान बढाएर उत्पादित बस्तुलाइ बिक्रि वितरणको सहज वातावरण बनाउने ।
-स्थानीय क्षेत्रमा स्वरोजगार मुलुक कार्यक्रम ल्याएर आर्थिक आय आर्जनको मार्गमा लैजाने।
समाजमा केही गर्नुपर्छ भनी सोच, अष्ट्रेलियाको भिषा लगाएर समेत रद्ध गरी यहीँ केही गर्नपर्छ भन्ने सोचका साथ पशुपालनलाई व्यावसाय बनाएर उदाहरणको पात्र बनेका ढकाल नयाँ जोस जाँगर र उत्साहका साथ वडाध्यक्षको दावी गरिएका छन् ।
के तपाईलाई वडा अध्यक्षको टिकट नदिँदा पार्टीलाई घाटा पर्न हो? भन्ने प्रश्नमा ढकाल भन्छन्,
“हाम्रो यस वडामा पार्टीको संगठन खासै बलियो छैन । मलाई विभिन्न अरु पार्टीले पनि साथ सहयोग गरी एमाले हराउने निर्णय भएको अवस्था छ ।म बाहेक अरु दुई जना पनि अध्यक्षको दावेदार हुनुहुन्छ । तर उहाँहरू हाम्रो वडा मा चिनाउने बाटो छैन किन की उहाँहरुलाई यस प्रति कुनै ध्यान नै छैन ।”
“पाँच दलीय गठबन्धन भए पनि नभए पनि म आफू स्वयंले एमालेको भोट काट्न सक्ने र अरु पार्टी हरुले पनि साथ सहयोग गर्ने भएकाले,यस वडामा मात्र नभई अरु दुई वडा समेत लोक प्रिय भएकाले पार्टीले मलाई सिफारिस गर्नपर्ने मेरो कुरा हो । म हर कुराबाट सक्षम र अरु पार्टीसँग सामना गर्न तयार छु । “