तारकेश्वर, ९ वैशाख । स्थानीय तह निर्वाचनको मिति नजिकिँदै गर्दा गाउँदेखि केन्द्रसम्म माहोल तातिँदै गएको छ ।
स्थानीय तहको निर्वाचनको मिति नजिकिएसँगै गाउँ गाउँमा नेता कार्यकर्ताहरु चुनावी छलफल गर्न लागेका छन् ।
यस्तै नेकपा एमालेबाट तारकेश्वर नगरपालिका वडा नं ९ को वडाध्यक्षमा श्याम कृष्ण महर्जन चयन भएका छन्।
आसन्न स्थानिय तहको निर्वाचनको लागि नेकपा एमालेको तर्फबाट वडाध्यक्ष पदमा सर्वसम्मत रुपमा उमेद्वार चयन गरिएको हो ।
लामो समय देखि राजनीति संगै विभिन्न सामाजिक काममा सक्रिय रहेका महर्जन नेकपा एमालेको तारकेश्वर नगरपालिका वडा नं ९ को वडा कमिटि अध्यक्ष समेत रहेका छन।
विद्यार्थी राजनीतिबाट राजनीतिमा पाइला टेकेका महर्जन नेकपा एमालेको सक्रिय युवा नेताका रुपमा परिचित छन् ।
वडाध्यक्षका उमेद्वार बनिरहेका महर्जन नेकपा एमालेका सक्रिय युवा नेताका साथै समाजसेवी समेत हुन ।