काठमाडौं । नेपाल प्रहरीका पाँच जना प्रहरी नायव महानिरीक्षक (डीआईजी) हरुको सरुवा गरिएको छ ।
बागमती प्रदेश प्रहरी कार्यालयका प्रहरी नायव महानिरीक्षक डीआईजी प्रकाश जंग कार्कीको नेपाल प्रहरी प्रधान कार्यालय अपराध अनुसन्धान विभाग, अपराध अनुसन्धान निर्देशनालय, नक्साल काठमाडौंमा सरुवा भएको छ ।
कार्कीको सरुवा भएसँगै बागमती प्रदेशको डीआईजीमा प्रहरी प्रधान कार्यालय महिला बालबालिका तथा ज्येष्ठ नागरिक सेवा निर्देशनालय नक्साल काठमाडौंमा कार्यरत पुजा सिंह आउन लागेकी छिन् ।
गृह मन्त्रालयले बाग्मती प्रदेशमा डीआईजी पुजा सिंहको सरुवा गरेको छ । यस्तै बाग्मती प्रदेशमा रहेका डीआईजी प्रकाशजंग कार्की सेवा निवृत हुने भएपछि प्रहरी प्रधान कार्यालयमा ल्याइएको छ ।
बर्तमान डीआईजीमा उनी एक्ली महिला डीआईजी हुन् ।
यस्तै गृह मन्त्रालयले हालै प्रहरी वरिष्ठ उपरीक्षक (एसएसपी) बाट प्रहरी नायव महानिरीक्षक (डिआईजी)मा बढुवा भएका ४ जनाको पदस्थापन गरेको हो ।
बढुवा भएका डीआईजी नलप्रसाद उपाध्यायलाई लुम्बिनी, मोहनकुमार आचार्यलाई सुदुपश्चिम, मसाउद आलम खाँलाई मधेश प्रदेश र राजेन्द्र प्रसाद चौधरीलाई अख्तियार दुरुपयोग अनुसन्धान आयोगमा पदस्थापन गरिएको छ ।
हेर्नुहोस् सरुवा सूची:
हेर्नुहोस् पदस्थापन सूची:
