• २१ माघ २०७९, शनिबार

चुनावी सभालाई सम्बोधन गर्न एमाले अध्यक्ष ओली आज सुदूरपश्चिम जाँदै

काठमाडौं :  नेकपा एमालेका अध्यक्ष केपी शर्मा ओली आज सुदूरपश्चिममा आयोजना हुने तीनवटा चुनावीसभालाई सम्बोधन गर्न त्यसतर्फ जाँदैछन्। 

आज कञ्चनपुर र कैलालीका तीन ठाउँमा चुनावी आमसभालाई ओलीले सम्बोधन गर्ने कार्यक्रम तय भएको छ।

कञ्चनपुरको बेलौरी नगरपालिका, कैलालीको धनगढी र बर्दगोरियामा आयोजना हुने आमसभाको सम्पूर्ण तयारी पूरा भएको एमाले कैलालीले जनाएको छ।

अध्यक्ष ओली हवाईजहाजबाट धनगढी अवतरण गर्ने र हेलिकप्टरमार्फत बर्दगोरियाको कार्यक्रममा सहभागी हुने छन्। त्यसपछि दिउँसो २ बजे कञ्चनपुरको बेलौरीस्थित खुलामञ्च आयोजना हुने आमसभालाई सम्बोधन गर्नेछन्। त्यसपछि धनगढीको आमसभालाई सम्बोधन गर्ने कार्यक्रम छ।

ओलीले विभिन्न पार्टी परित्याग गरी एमाले प्रवेश गर्नेहरुलाई स्वागत गर्ने कार्यक्रम पनि छ।





प्रतिक्रिया दिनुहोस्