काठमाडौं : स्थानीय निर्वाचनको अन्तिम मतपरिणाम आउने क्रम जारी छ । अहिलेसम्म ६ सय ९५ वटा पालिकाको मत परिणाम सार्वजनिक भएको छ ।
निर्वाचन आयोगका अनुसार हालसम्म नेपाली कांग्रेस ३१० पालिकामा प्रमुख तथा अध्यक्ष पद जित्दै अग्रस्थानमा रहेको छ । त्यस्तै कांग्रेसले २८३ तहमा उपप्रमुख तथा उपाध्यक्ष पद जितेको छ ।
नेकपा एमाले दोस्रो स्थानमा छ । उसले १ सय ९० पालिकामा प्रमुख तथा अध्यक्ष पद जितेको छ । एमालेले २ सय १६ पालिकामा उपप्रमुख तथा उपाध्यक्ष जितेको छ ।
नेकपा माओवादी केन्द्रले १ सय १९ पालिकामा प्रमुख तथा अध्यक्ष पद जितेको छ भने १ सय २४ पालिकामा उपप्रमुख तथा उपाध्यक्ष पद जितेको छ ।
नेकपा एकीकृत समाजवादीले १७ पालिकामा प्रमुख तथा अध्यक्ष पद जितेको छ । जनता समाजवादी पार्टी (जसपा)ले २६ पालिकामा प्रमुख तथा अध्यक्ष पद जितेको छ ।