• १८ फाल्गुन २०८०, शुक्रबार

म्यादी प्रहरीमा भर्ना खुल्यो

काठमाडौं: आगामी मंसिर ४ गतेलाई तोकिएको प्रतिनिधि सभा र प्रदेश सभा निर्वाचनका लागि म्यादी प्रहरीमा भर्ना खुलेको छ । 
प्रतिनिधि सभा र प्रदेश सभा निर्वाचनका लागि १ लाख १५ हजार जना म्यादी प्रहरीका लागि आवेदन माग गरिएको छ ।  प्रहरी प्रधान कार्यालय नक्शालले आईतबार सूचना जारी गरी भर्ना खुलेको जानकारी दिएको छ । 

नुवाकोटको लागी म्यादी प्रहरीमा भर्ना हुन इच्छुकले जिल्ला प्रहरी कार्यालयमा दरखास्त दिनुपर्ने छ । 

म्यादी प्रहरीमा भर्ना हुन इच्छुकले यही भदौ ३० गतेदेखि असोज ६ गतेसम्म दरखास्त दिन सक्ने छन् । दरखास्त सबै जिल्लाका जिल्ला प्रहरी कार्यालयमा दिन सकिने छ । १८ वर्ष पूरा भई ५४ वर्ष ननाघेका र साधारण लेखपढ गर्न जान्नेहरुले दरखास्त दिन सक्ने छन् ।

दरखास्त दिनेहरु राजनीतिक दलको सदस्य नभएको, आतंककारी संगठनको सदस्य नभएको, फौजदारी अभियोगमा सजाय नपाएको, गर्भवती नभएको र आँखा माइनस २ वा प्लस २ भन्दा बढी कमजोर नभएको पनि हुनुपर्ने सूचनामा उल्लेख गरिएको छ । 
 

म्यादी प्रहरी, मंसिर ४, प्रतिनिधि सभा र प्रदेश सभा, प्रतिनिधि सभा, प्रदेश सभा, प्रहरी प्रधान कार्यालय

असोज ९ गतेदेखि १४ गतेसम्म छनौट सुरु हुने छ । असोज २५ गते अन्तिम नतिजा सार्वजनिक गर्ने र असोज ३० गतेदेखि कात्तिक ८ गतेसम्म तालिम दिइने प्रहरी प्रधान कार्यालय नक्शालले जनाएको छ । 
म्यादी प्रहरीले प्रतिदिन ८ सय ६९ रुपैयाँको दरले ४० दिनसम्मको पारिश्रमिक पाउने छन् । उनीहरुले खाद्यान्न बापत एकमुष्ट ७ हजार २ सय रुपैयाँ, पोशाक तथा अन्य सामग्री खरिद गर्न ६ हजार रुपैयाँ (हिमाली जिल्लामा खटिनेलाई थप १ हजार), आउने–जाने खर्च १ हजार रूपैयाँ र ३ सय  रुपैयाँको दरले ४ दिनको खाजा खर्च पनि पाउने छन् ।





प्रतिक्रिया दिनुहोस्