• ९ माघ २०८१, बुधबार

डेंगी नियन्त्रणका लागि जाग्यो नेपाललाई स्वास्थ्य विभागको प्रशिक्षण

काठमाडौं। डेंगी रोग नियन्त्रण गर्न तथा यसबारे जनचेतना फैलाउनका लागि स्वास्थ्य सेवा विभागले जाग्यो नेपालका स्वयंसेवकहरुलाई प्रशिक्षण दिएको छ।

स्वास्थ्य सेवा विभागमा शनिबार आयोजित प्रशिक्षण कार्यक्रममा इपिडेमियोलोजी तथा रोग नियन्त्रण महाशाखाका मेडिकल प्राविधिक धनप्रसाद पौडेल, प्रा.डा. मुरारिलाल दास, डा. गोकर्ण दाहाल, डा. भोला नेपाल,एनपिएचएसपी एजुकेशन सब कमिटी र इको नेटवर्क क्याम्पस एम्बेसडर रमेश कार्की, इको नेटवर्क भोलेन्टिर कोर्डिनेटर एमपी ढकाल, रोट्ट्रयाक्ट क्लब अफ मातृभूमि वालुवाटारकी आस्था सुवेदी लगायतले जाग्यो नेपालका स्वयंसेवक तथा चिकित्साशास्त्रका विद्यार्थीलाई प्रशिक्षण दिएका हुन् ।

कार्यक्रममा जाग्यो नेपालका संयोजक विजय कँडेल, सचिव पुरुषोत्तम गजुरेल, पर्यटन क्षेत्रका जानकार विजय प्रधान, सामजिक क्षेत्रमा सक्रिय युवा तथा मेडिकल विद्यार्थी मिलन अर्याल लगायत ३ दर्जन स्वयंसेवकको उपस्थित थिए ।

जाग्यो नेपालले यहि असोज १५ गते संचालन गर्ने डेंगीमाथि विजय महाअभियान प्रभावकारी बनाउन स्वयंसेवलाई प्रशिक्षणको व्यवस्था गरीएको जाग्यो नेपालका संयोजक विजय कँडेलले बताए। ‘हामी आफैंले टोलटोलमा सरसफाई गरी लामखुट्टेका लार्भा नष्ट गर्ने तरीका सिक्न स्वास्थ्य सेवा विभागलाई प्रशिक्षणका लागि अनुरोध गरेका हौं ।’, कँडेलले भने, ‘१५ गते देशवासी सबैलाई यस महाअभियानमा जुट्न जाग्यो नेपाल हार्दिक अनुरोध गर्दछ ।’





प्रतिक्रिया दिनुहोस्