विदुर १० मा यात्रुबाहक बस दुर्घटना विदुर- रसुवा बाट काठमाडौं तर्फ जादै गरेको यात्रुबाहक बस एकआपसमा ठोकिँदा दुर्घटना भएको हो । विदुर नगरपालिका वडा नं १० भैंसे मा उक्त दुर्घटना भएको हो ।
र्दुघटनामा १८ जना घाइते भएको जिल्ला प्रहरी कार्यालय नुवाकोटले जनाएको छ । घाइतेमध्ये १६ जनाको नुवाकोटको विभिन्न स्थानिय स्वास्थ्य संस्थामा उपचार भइरहेको छ भने २ जना गम्भीर घाइतेलाई थप उपचारको लागि काठमाण्डौ रिफर गरिएको छ ।
रसुवाको धुन्चेबाट काठमाडौं हिँडेको बा ४ ख ८८२ नम्बरको वस र नुवाकोटबाट रसुवातर्फ गइरहेको नमस्ते पासाङ ल्हामु यातायातको प्रदेश ३–०१००५ख ९३५४ नम्बरको डिलक्स वस एक आपसमा ठोकिँएका हुन् ।
