• २१ माघ २०७९, शनिबार

बेलकोटगढी नगरपालिकाले एसइइ मा उत्कृष्ट नतिजा ल्याउने विद्यालयलाई दश लाख प्रदान गर्न

८ माघ, विदुर । नुवाकोटको बेलकोटगढी नगरपालिकाले कक्षा १० (एसइई)मा उत्कृष्ट नतिजा ल्याउने विद्यालयलाई प्रोत्साहनस्वरुप दश लाख रुपैयाँ दिने घोषणा गरेको छ।

नगरपालिकाले ‘शैक्षिक सुधार कार्यक्रम’ ल्याएको छ उक्त कार्यक्रमको मापदण्डका आधारमा एसईईमा उत्कृष्ट नतिजा ल्याउने विद्यालयलाई प्रोत्साहनस्वरुप उक्त रकम दिन लागिएको नगरप्रमुख जगतबहादुर गुरुङले जानकारी दिएका छ्न ।

बेलकोटगढी नगरभित्र १९ वटा माध्यमिक विद्यालयसहित ५४ वटा सामुदायिक विद्यालय सञ्चालनमा रहेका छन। उक्त सञ्चालित सामुदायिक विद्यालयको सुधारका लागि ल्याएको ‘शैक्षिक सुधार कार्यक्रम’ले आधारभूत र माध्यमिक विद्यालयका लागि फरक-फरक मापदण्ड बनाएको उनले बताएका छ्न ।

त्यस्तै उनका अनुसार मापदण्डमा रहेको सूचाङ्कका आधारमा उत्कृष्ट विद्यालयलाई नगद पुरस्कार र शिक्षकलाई अवार्ड प्रदान गरिने समेत जनाएका छ्न ।

विद्यालयलाई शैक्षिक क्यालेण्डर बनाउन, स्थानीय भाषा, संस्कृति, कला तथा समसामयिक विषयवस्तु समावेश गरी पाठ्यक्रम बनाउन, प्रत्येक वडामा हरेक वर्ष कम्तीमा एउटा विद्यालयलाई बालमैत्री बनाउने ल लक्ष्य सहितको कार्यक्रम समावेश गरिएको गाउँपालिका उपप्रमुख शिवप्रसाद दाहालको जानकारी दिएका छ्न ।





प्रतिक्रिया दिनुहोस्