• १७ फाल्गुन २०८०, बिहीबार

नुवाकोटको दुई वटै क्याम्पसमा नेविसंघले नेतृत्व गरेको प्यानल विजयी

नुवाकोटको दुई क्याम्पसमा नेपाल विद्यार्थी संघ (नेविसंघ) ले नेतृत्व गरेको प्यानल स्वतन्त्र विद्यार्थी युनियन (स्ववियु) को निर्वाचनमा निर्वाचित भएको छ । नुवाकोट आदर्श बहुमुखी क्याम्पस बट्टारमा र त्रिभुवन त्रिशुली बहुमुखी क्याम्पसमा आइतवार निर्वाचन भएको थियो । यी दुई वटै क्याम्पसमा नेविसंघ, अखिल क्रान्तिकारी र अनेरास्ववियूले संयुक्त प्यानल बनाएर चुनावी प्रतिष्पर्धामा उत्रिएका थिए ।
नुवाकोेट आदर्श बहुमुखी क्याम्पसमा संयुक्त प्यानल, अनेरास्ववियु, स्वतन्त्र समूह र अखिल क्रान्तिकारी (बिप्लब) गरी ४ समूह बिच चुनावी प्रतिष्पर्धा भएको थियो । जम्मा १ हजार १ सय ४३ मतदाता रहेको नुवाकोेट आदर्श बहुमुखी क्याम्पसमा आइतवार ७ सय ४२ विद्यार्थीले मतदान गरेका थिए । सोमवार विहान सम्पन्न मत परिणाम अनुसार संयुक्त प्यानलका सबै उम्मेदवारहरु विजयी भएका छन् । सभापतीमा रविन दहाल, सचिवमा राजेन्द्र पनेरु र कोषाध्यक्षमा मनोज पौडेल विजयी भएका हुन् । दाहालले ३ सय ४१, पनेरुले ४ सय ३० र पौडेलले ३ सय ४० मत प्राप्त गरेको प्रमुख निर्वाचन अधिकारी सरोज बोगटीले जानकारी दिनुभएको छ ।
यस्तै सदस्यहरुमा ३ सय ७१ मत सहित अश्विन रिमाल, ३ सय ६३ मत सहित जनक भट्ट, ३ सय ४७ मत सहित सन्तोष पन्त, ३ सय ३४ मत सहित संचिता रिमाल, ३ सय २७ मत सहित सुप्रिया पौडेल, ३ सय २५ मत सहित अस्मिता पौडेल र ३ सय ११ मत सहित प्रदिप ढुंगाना विजयी भएको मूख्य निर्वाचन अधिकृत बोगटीले जानकारी दिनुभएको छ ।
यता त्रिभुवन त्रिशुली बहुमुखी क्याम्पसको सभापतीमा किरण मंग्राती, सचिवमा रिसाल तामाङ र कोषाध्यक्षमा उर्मिला तामाङ विजयी भएका छन् । सभापती मंग्रातीले १ सय ४७, सचिव तामाङले १ सय ६३ र कोषाध्यक्ष तामाङले १ सय ५१ मत प्राप्त गरी विजयी भएका हुन् । आइतवार राती नै सम्पन्न मतगणना अनुसार सदस्यहरुमा शान्तबहादुर तामाङले १ सय ५४, अशोक अधिकारीले १ सय ५०, सजना खातीले १ सय ४२, सन्तोषी सुर्खेतीले १ सय ४० र तुलषा अधिकारीले १ सय २३ मत प्राप्त गरी विजयी भएका हुन् ।
त्रिभुवन त्रिशुली बहुमुखी क्याम्पसमा नेविसंघ, अखिल क्रान्तिकारी अनेरास्ववियूको संयुक्त प्यानल र अनेरास्ववियु र अखिल क्रान्तिकारी (बिप्लब) को संयुक्त प्यानल गरी दुई समूह बिच चुनावी प्रतिष्पर्धा भएको थियो । यस क्याम्पसमा ३ सय १२ मतदाता रहेकोमा २ सय ३३ जना विद्यार्थीले मतदान गरेका थिए ।





प्रतिक्रिया दिनुहोस्