नुवाकोट । प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ यही जेठ २७ गते नुवाकोट आउने भएका छन् ।
प्रधानमन्त्री प्रचण्ड पञ्चकन्या गाउँपालिका वडा नम्बर ३ लाकुरीभन्ज्याङमा रहेको गाउँपालिकाको प्रशासकीय भवन उद्घाटनको लागि आउन लागेको संघीय सांसद एवं पूर्वमन्त्री हितबहादुर तामाङले जानकारी दिए ।
उनी यसअघि २०७६ माघ २५ गते शनिबार पञ्चकन्या गाउँपालिकाले आयोजना गरेको अन्तरपालिका जिल्लास्तरीय भलिबल प्रतियोगिता उद्घाटनको पञ्चकन्यामा आएका थिए भने प्रधानमन्त्रीको हैसियतमा चाहिँ पहिलोचोटि पञ्चकन्याको भूमि टेक्न लागेका हु्न ।
पन्चकन्या गाउँपालिकाको नवनिर्मित भवनमा बैठक कक्षसहित २७ वटा कोठा छन् ।।