जेष्ठ २१ गते अर्थात आइतवार जिल्ला युवा समिति, नुवाकोटले वक्तृत्वकला प्रतियोगिता आयोजना गर्ने भएको छ।
कार्यक्रम बाग्मती प्रदेश सरकार सामजिक विकास मन्त्रालय प्रदेश युवा परिषद् बाग्मतीको आर्थिक सहयोगमा हुने भएको हो। उक्त वक्तृत्वकला कार्यक्रम युवा प्रतिभा उजागर गर्ने अभिप्रायका साथ ‘ युवा नवप्रबर्द्वन ‘ शिर्षकमा हुने भएको हो।
वक्तृत्वकला कार्यक्रम नुवाकोट आदर्श बहुमुखी क्याम्पस विदुर-४ बट्टार, नुवाकोटमा दिउँसो ११ बजे बाट शुरु हुने छ। कार्यक्रममा २४ बर्ष भन्दा कम उमेरका मात्र सहभागी हुन पाउँने छन भने प्रथम हुनेलाई प्रदेशस्तरीय कार्यक्रममा समावेश गराइने छ भनि जिल्ला युवा समिति , नुवाकोटको अध्यक्ष उद्दव पनेरुले जानकारी दिनुभयो।प्रतियोगितामा प्रथम हुनेलाई १५ हजार, द्वितीय र तृतीय हुनेलाई क्रमश: १० र ५ हजार पुरस्कार प्रदान गरिनेछ।