धादिङ, २१ असोज । बागमती प्रदेश प्रहरी कार्यालय, हेटौँडाले धादिङ गजुरीमा कार्यरत एक ट्राफिक प्रहरीका सहायक निरीक्षकले ट्राफिक व्यवस्थापनमा उत्कृष्ट कार्य गरेको भन्दै पुरस्कृत गरकोे छ ।
कार्यालयले आफ्नो प्रत्यक्ष मातहतका कार्यालयमा कार्यरत प्रहरीहरु मध्येबाट उत्कृष्ट कार्य गर्ने ट्राफिक प्रहरी कार्यालय धादिङ गजुरीमा कार्यरत प्रहरी सहायक निरीक्षक नरहरि अधिकारीलाई सर्वोत्कृष्ट बागमती प्रदेश प्रहरी घोषित गरिएको हो ।
सहायक निरीक्षक अधिकारी भदौ महिनामा बागमती भरीमा सर्बोत्कृष्ट काम गर्ने प्रहरीको रुपमा नगदसहित पुरस्कृत भएका हुन् ।
प्रहरीलाई आर्थिक प्रलोभनमा पारी गलत क्रियाकलाप गर्न खोज्ने सवारी चालकहरुलाई कारबाहीको दायरामा ल्याएर डियुटीमा इमान्दारिता प्रर्दशन गरेकाले अधिकारीलाई सर्वोत्कृष्ट प्रदेश प्रहरी घोषणा गरिएको हो ।
