काठमाडौं : ग्रेगोरियन पात्रोअनुसार आजदेखि इस्वी संवतको नयाँ वर्ष सन् २०२२ शुरु भएको छ ।
येशु ख्रीस्टको जन्म भएको वर्षदेखि पादरी ग्रेगोरियनले शुरु गरेकाले यसलाई ग्रेगोरियन पात्रो भन्ने गरिएको हो । यो पात्रो अनुसारको चाड पर्व मान्नेले आज एकआपसमा शुभकामना आदान प्रदान गरी मनाउँछन् ।
विश्वका अधिकांश मुलुकमा प्रचलनमा रहेको र प्रत्येक वर्ष इस्वी संवत जनवरीको पहिलो तारिखबाट शुरु हुन्छ ।
विगतमा नयाँ वर्षलाई विश्वभर भब्य रुपमा स्वागत गर्ने गरिएको भएपनि यो बर्ष कोरोना त्रासका कारण खासै उल्लास देखिएको छैन ।
ईस्वी संवतको यो नयाँ वर्ष नेपालमा पनि शुभकामना आदानप्रदान गरी मनाइँदै छ ।
नयाँ वर्ष मनाउन राजधानी काठमाडौं लगायत मुलुकका विभिन्न स्थानमा सांगीतिक कार्यक्रमको आयोजनाहरु गरिएका छन् ।
नयाँ वर्ष मनाउन पोखरा, नगरकोट, धुलिखेल, चितवनको सौराहालगायतका स्थानहरुमा उल्लेख्य आन्तरिक पर्यटक पुगेका छन् ।
