नुवाकोटको किस्पाङ गाउँपालिकाले वडा वडामा घुम्ती शिबिर संचालन गरी अपाङ्गता परिचयपत्र बितरण गर्न सुरु गरेको छ ।
शनिबार वडा नम्बर ५ बाट अपाङ्गता परिचयपत्र बितरण सुरु गरेको गाँउपालिकाले जनाएको छ । गाँउपालिकाका अध्यक्ष छत्र लामा, उपाध्यक्ष मायादेवी न्यौपाने घलेले अपाङ्गता भएका ब्यक्तिको घरघरमै पुगेर बितरण सुरु गरेको हो ।
शनिबार वडा नम्बर ५ को १५ जनाको नवीकरण र १७ जना लाई नयाँ कार्ड गरी ३२ जना लाई बितरण गरिएको अध्यक्ष लामाले जानकारी दिनुभएको छ ।
४ जना अपाङ्गता भएका अशक्तलाई घरमै पुगि कार्ड प्रदान गरेको गाँउपालिकाले जनाएको छ । अपाङ्गता भएका अशक्तहरुलाई चेकजाँच गर्नको लागी डाक्टरको टिम सहितको समुह बनाई वडा वडामा बितरण सुरु गरिएको छ ।
गाँउपालिकाले मंसिर १४ गते वडा नम्बर २, १५ गते वडा नम्बर ४, १६ गते वडा नम्बर १ र १७ गते वडा नम्बर ३ मा घुम्ती शिबिर संचालन गरिने जानकारी दिएको छ । साथै घुम्ती शिबिर संचालन हुने स्थानबाट सेवा लिनको लागी अध्यक्ष छत्र लामाले नागरिकहरुलाई आग्रह समेत गरिएको छ ।