नेपाल पूर्व प्रहरी संगठन जिल्ला कार्य समिति नुवाकोटको अध्यक्षमा होमबहादुर तामाङ चयन हुनुभएको छ ।
अघिल्लो कार्यसमितिमा सचिव रहनुभएका तामाङ सनिवार भएको सातौ वार्षिक साधारण सभा तथा सम्मेलनले सर्वसम्मत रुपमा अध्यक्षमा चयन हुनुभएको हो । कार्य समितिको वरिष्ठ उपाध्यक्षमा रामबहादुर वस्ती, उपाध्यक्षमा नन्दप्रसाद देवकोटा, कृष्णप्रसाद रिमाल र लालबहादुर तामाङ, सचिवमा रणबहादुर तामाङ, सहसचिवमा कुलबहादुर थापा, कोषाध्यक्षमा सागर तामाङ र सहकोषाध्यक्षमा गंगादेवी बोगटी चयन भएका छन् ।
यस्तै सदस्यहरुमा रामप्रसाद नेपाल, कृष्णबहादुर थापा मगर, सादुराम रिमाल, राधाकृष्ण भण्डारी, देवकी लामा, उर्मिला घले, श्यामबहादुर तामाङ, राजेन्द्रबहादुर बोगटी, मोहन खड्का, पूर्णलाल श्रेष्ठ, चन्द्रबहादुर बोगटी, पूर्णबहादुर राई र रामकुमार श्रेष्ठ चयन भएका छन् । यस्तै पूर्वअध्यक्ष अरुण घले केन्द्रिय प्रतिनिधिमा चयन हुनुभएको छ । सल्लाहकार समितिको संयोजकमा कृष्णप्रसाद लोहोनी र सदस्यहरुमा कृष्णप्रसाद देवकोटा, इन्द्रबहादुर तामाङ, उत्तरबहादुर लामा र विष्णुप्रसाद घिमिरे रहेका छन् ।
नेपाल पूर्व प्रहरी संगठन जिल्ला कार्य समितिको आजिबन सदस्य लिनेको सङ्ख्या २ सय २५ जना रहेका छन् । हाल समूहमा गर्दै आइएको आर्थिक बचतलाई पूर्वप्रहरी बचत तथा ऋण सहकारी सस्था स्थापना गरि पूर्व प्रहरीहरुको हक हित र आर्थिक उन्नतीको लागि यस कार्य समितिले विशेष पहल गर्ने नबनिर्वाचित अध्यक्ष होमबहादुर तामाङले बताउनुभएको छ । सामाजिक उत्तरदायित्व अन्तर्गत रहेर विपदमा परेका नागरिकहरुको उद्दार तथा राहतका प्याकेजहरु संगठन मार्फत सञ्चालन गरिने अध्यक्ष तामाङको प्रतिवद्धता रहेको छ ।