नुवाकोट, २१ बैशाख । नेपाल प्रेस युनियन नुवाकोटले पत्रकार तथा पत्रकारको परिवारलाई कोरोन रोग लागेमा स्वास्थ्य उपचार तथा निगरानीको लागी आइशोलेशन कक्ष स्थापना गर्ने भएको छ ।
प्रेस युनियन नुवाकोट शाखाको पदाधिकारीको निर्णय अनुसार युनियनका कार्याबहाक जिल्ला अध्यक्ष सुरज सिलवालले जारी गरेको विज्ञप्ती अनुसार कोरोना रोगको सक्रमणको दर नुवाकोटमा बृद्धि भैरहेको र त्यसबाट पत्रकार समेत प्रभावित भएकाले उनीहरुको लागी उपचार तथा तथा निगरानी गर्न एक साताभित्रै आइशोलेसन कक्ष स्थापना गर्न लागिएको हो ।
नुवाकोटमा पहिलो चरणको कोरोनाको प्रभावको समयमा आधादर्जन पत्रकार प्रभावित भएको र अहिलेको दोश्रो चरणमा पनि केही पत्रकारलाई कोरोना देखिएको र केहीलाई लक्षण समेत देखिन थालेकाले अस्पतालमा बेड पाउन देखिएको अभावलाई मध्येनजर गर्दै प्रेस युनियन आफैले आइशोलेसन कक्ष स्थापना गर्न लागेको युनियनका अध्यक्ष नमराज सुवेदीले जानकारी दिनुभयो ।
