नुवाकोट, ३० जेठ । नेपाली काँग्रेस नुवाकोटको ककनी गाउँपालिका सभापति राजन न्यौपानेको विशेष पहलमा विभिन्न संघसंस्थाले स्वास्थ्य सामग्री वितरण गरेको छ ।

न्यौपानेको पहलमा बोधिसत्व बिहार र TZU CHI FOUNDATION ले गाउँपालिकाको वडा नं ३ढोकाभन्जयाङ स्थित चाउथे स्वास्थ्य चौकीलाई अत्यावश्यक स्वास्थ्य सामाग्रीहरु वितरण गरेको हो । उक्त दुई वटा संस्थाले १० लिटर सेनिटाइजर, माक्स, २ थान अक्सिजन कन्सनट्रेटर लगायतका ६ लाख बराबरको स्वास्थ्य सामाग्री वितरण गरेको बताइएको छ।

गाउँपालिकाको वडा नं ३ को स्वास्थ्य चौकीमा गरिएको स्वास्थ्य सामाग्री वितरण कार्यक्रममा अर्जुन प्रसाद न्यौपाने, नेपाली कांग्रेस वडा नं. ३ का वडा सभापति रमेश ढुगांना, ककनी वडा नं ३ का वडा अध्यक्षका प्रत्याशी सिताराम आचार्य, रामभक्त बस्नेत, विधार्थी नेता बिजय ढुगांना, प्रेमबहादुर ढुगांना, नेपाल तरुणदलका सिंहराज तामाङ, सुरक्षाकर्मी , रोयल यूथ क्लब लगायतको उपस्थिति रहेको थियो ।