नुवाकोट, ६ असार । नेपाली काँग्रेस सुर्यगढी-काठमाडौं सम्पर्क समितिको आयोजना तथा बल्ड अन रिक्वेस्ट इन नुवाकोटको सह-आयोजनामा नुवाकोटको सुर्यगढीमा असार ७ गते सोमबार आकस्मिक रक्तदान कार्यक्रम आयोजना हुने भएको छ ।
रक्तदान कार्यक्रम सुर्यगढी गाउँपालिकामा रहेको बागेश्वरी माध्यमिक विद्यालयको प्राङ्गणमा सोमबार विहान ११ बजेदेखि सुरु हुने ब्लड अन रिक्वेस्ट इन नुवाकोटका संयोजक मच्छिन्द्र नरसिंह प्याकुरेलले जानकारी दिए ।
नेपाली काँग्रेस सुर्यगढी-काठमाडौं सम्पर्क समितिको आयोजनामा हुन लागेको रक्तदान कार्यक्रममा नेपाल रेडक्रस सोसाइटी नुवाकोट शाखाले सहकार्य गर्ने प्याकुरेलले जानकारी दिए ।
पछिल्लो समय नुवाकोट जिल्लामा ब्लड अन रिक्वेस्ट इन नुवाकोटले निरन्तर रुपमा रक्तदान कार्यक्रम सन्चालन गर्दै आइरहेको छ ।