नुवाकोट, १६ असार । मध्यपहाडी लोकमार्ग अन्तर्गत नुवाकोटको पन्चकन्या गाउँपालिका वडा नं. ५ को त्रिवेणी पुल सम्पन्न सम्झौता मिति अगावै सम्पन्न गरि निर्माण कम्पनिले आयोजनालाई हस्तान्तरण गरेको छ।
अमृत जलकेनी जेभि निर्माण कम्पनिले ठेक्का पाएको उक्त आयोजनाको निर्माण सम्पन्न गर्ने सम्झौता मिति भन्दा ३ महिना अघि नै पुलको निर्माण सम्पन्न गरेर आयोजनालाई हस्तान्तरण गरेको ठेकेदार दिपक लामाले जानकारी दिए ।
२० मिटर लामो उक्त पुलको निर्माणमा करिब ४ करोड ५५ लाख लागत लागेको बताइएको छ ।
देशव्यापी रूपमा फैलिरहेको कोरोना भाइरस कोभिड-१९ सङ्क्रमणको अवस्थामा पनि स्वास्थ्य मापदण्डलाई ध्यानमा राख्दै सझौता मिति भन्दा ३ महिना समय अगावै सम्पन्न गरिएको ठेकेदार कम्पनीले जानकारी दिएको छ ।
