नुवाकोट, ३० जेठ । नुवाकोटको विदुर नगरपालिकामा वडा नं १२ को वडा कार्यालयको भवन निर्माणमा वडाध्यक्ष सिताराम अर्याल र स्थानीय बिच विवाद भएको छ ।
नगरपालिकाको वडा नं १२ मा वडा कार्यालय कहाँ बनाउने भन्ने विषयमा वडाध्यक्ष सिताराम अर्याल र स्थानिय बिच सहमति हुन नसकेपछि आइतबार स्थानियले जिल्ला समन्वय समिति, जिल्ला प्रशासन कार्यालय र विदुर नगरपालिकालाइ ज्ञापन पत्र बुझाएका छन् ।
वडा नं १२ का स्थानिय सबैलाई पायक पर्ने र सार्वजनिक जग्गा पनि पर्याप्त भएको ठाउँमा वडा कार्यालय बनाउँभनेर स्थानियले वडाध्यक्षलाई बारम्बार भनेपनि वडाध्यक्षले आफुखुसी जनसमुदायसँग सहमति नगरी एकलौटी ढंगले वडा कार्यालय बनाउने ठाउँको चयन गरेर निर्माणको लागि शिलन्यास समेत गरिसकेको वडा नं १२ का एक स्थानियले बताए।
अधिकांश स्थानियले वडा कार्यालय भवन निर्माणको लागि धारापानी चौर, फुलपाती भन्ज्याङ क्षेत्र भएको र उक्त क्षेत्रमा नै वडा कार्यालय बनाउनुपर्ने भनिरहँदा वडाध्यक्ष अर्यालले भने स्वेच्छाचारी प्रवृत्तिले गौरीवेशिमा वडा कार्यालयको भवन निर्माणको लागि ठेक्का प्रक्रिया अघि बढाइसकेको स्थानीयले बताए ।
धारापानी चौर, फुलपाती भन्ज्याङमा वडा कार्यालय बनाउँदा सबैलाई पायक पर्ने र सार्वजनिक जग्गा पनि पर्याप्त मात्रामा भएको स्थानीयको भनाइ रहेको छ ।
वडाध्यक्ष अर्याल भने आफु वडाध्यक्ष हुँ सबै मैले भनेको नै हुन्छ भन्ने मनसायले राजनीतिक पहुँचको आधारमा वडा कार्यालय भवन निर्माणमा एकलौटी निर्णय गरेको स्थानीयको आरोप छ ।
वडाध्यक्षले स्थानीयबासीको कुरो नसुनेपछि आज स्थानियले वडा कार्यालयको भवन निर्माणमा स्थानीयसँग समन्वय हुनुपर्ने र जनताको चाहना अनुसार हुनुपर्ने भन्दै स्थानीयले जिल्ला समन्वय समिति, जिल्ला प्रशासन कार्यालय र विदुर नगरपालिका समक्ष ज्ञापन पत्र बुझाएका हुन् ।
