नुवाकोट, १३ वैशाख । स्थानीय तह निर्वाचनको मिति नजिकिँदै गर्दा गाउँदेखि केन्द्रसम्म माहोल तातिँदै गएको छ ।
स्थानीय तहको निर्वाचनको मिति नजिकिएसँगै गाउँ गाउँमा नेता कार्यकर्ताहरु चुनावी छलफल गर्न लागेका छन् ।
यस्तै नेपाली कांग्रेसबाट सूर्यगढी गाउँपालिका वडा नं ५ को वडाध्यक्षमा अच्युत ढकाल चयन भएका छन्।
आसन्न स्थानिय तहको निर्वाचनको लागि नेपाली कांग्रेसको तर्फबाट वडाध्यक्ष पदमा सर्वसम्मत रुपमा उमेद्वार चयन गरिएको हो ।
लामो समय देखि राजनीति संगै विभिन्न सामाजिक काममा सक्रिय रहेका ढकाल नेपाली कांग्रेसका सक्रिय युवा नेता हुन् ।
विद्यार्थी राजनीतिबाट राजनीतिमा पाइला टेकेका ढकाल नेपाली कांग्रेसको कुशल युवा नेताका रुपमा परिचित छन् ।
वडाध्यक्षका उमेद्वार बनिरहेका ढकाल नेपाली कांग्रेसका सक्रिय युवा नेताका साथै समाजसेवी समेत हुन ।